Մարտի 20-23-ը կրթահամալիր աշխատանքի դիմած մասնակիցների վերապատրաստումն էր՝ ըստ նախապես հրապարակված ծրագրի։
Վերապատրաստմանը մասնակցում էին 6 դասավանդողներ․
- Մարիամ Աղաբաբյան — դիզայներ
- Նելլի Կարապետյան — հայոց լեզու, գրականություն, լրագրություն
- Կարեն Օսիպով — մարզիկ՝ ծանրամարտ
- Աննա Հովհաննիսյան — երաժիշտ
- Անժելա Բլեյան — բնագիտություն, ֆիզիկա
- Լուսինե Էիլազովա — օտար լեզու
Վերապատրաստման ընթացքում մասնակիցները ծանոթացան կրթահամալիրի մեդիամիջավայրին՝ mskh.am կայքին, դպրոցների ենթակայքերին, կրթահամալիրում իրականացվող նախագծերին, ամենամսյա ֆլեշմոբներին, ստուգատեսներին, հավաքներին։
Ծանոթացել են soundcloud.com համակարգին․ մուտք գործելու և ձայնագրություններ ներբեռնելու հմտություններին, youtube.com համակարգում բացել հաշիվներ։
Մասնակիցները բացեցին էլ․հասցեներ gmail.com համակարգում, գրանցեցին բլոգներ wordpress.com պլատֆորմում, կազմեցին նախագծեր, որոնք կցանկանային իրականացնել կրթահամալիրում։ Ստորև ներկայացված են վերապատրաստվողների բլոգները։
Վերապատրաստվողները ունեցան նաև պարուսուցման դասընթաց։
Վերապատրաստման վերջին օրը կազմակերպվել էր հանդիպում կրթահամալիրի ծրագրի ղեկավարների հետ, որի ընթացքում վերապատրաստվողները ներկայացրեցին իրենց կազմած նախագծերը, պատասխանեցին հարցերին։
Նվարդ Սարգսյան 